Netflix kino bo‘limi rahbari Sheroum Kim qisqartirishlar sabab kompaniyani tark etmoqda
Netflix kompaniyasida davom etayotgan qisqartirishlar doirasida yana bir kino bo‘limi rahbari ishdan ketmoqda.
Deadline xabariga ko‘ra, 2019-yil yanvarida mustaqil filmlar direktori lavozimida Netflix’ga qo‘shilgan Sheroum Kim qisqartirishlar ta’siriga uchragan. Kim ishtirok etgan so‘nggi Netflix filmlari qatorida My Oxford Year, Roommates va Don’t Say Good Luck bor. Kimga bo‘ysungan Netflix badiiy filmlar menejeri Sebastian Hernandez ham kompaniyani tark etayotgani tasdiqlandi.
Sheroum Kim Netflix’dagi qisqartirishlar sabab ketayotgan kino bo‘yicha vitse-prezident Doug Belgradga qo‘shildi. Qisqartirishlar kompaniyaning qariyb 1 000 xodimiga, ya’ni ishchi kuchining 6 foiziga ta’sir qilmoqda.