Margot Robbie Harley Quinn roliga qaytmasligi mumkin, James Gunn esa uni DCUga jalb qilishga tayyor
James Gunn yangi DC Universe tarkibida Harley Quinn obrazi “deyarli aniq” qaytishini aytdi, biroq bu rolni ijro etgan Margot Robbie yana suratga tushadimi — noma’lum.
Gunn bu fikrlarini Jennifer Holland va Steve Agee bilan “The Suicide Squad: Is It Canon? The Official Podcast” podkastida bildirdi. Suhbatda 2021-yilda chiqqan “The Suicide Squad” filmi yangi DCUda qaysi jihatlari bilan saqlanib qolishi muhokama qilindi.
Gunn filmning deyarli to‘liq qismi yangi olam kanoniga kirishini, faqat Harley Quinnning kelajagi bo‘yicha istisno borligini aytdi. Uning ta’kidlashicha, Margot Robbie dunyodagi eng yirik ayol yulduzlardan biriga aylangan va u aktrisaning Harley Quinn roliga qaytishni xohlash-xohlamasligini bilmaydi.
Robbie bu obrazni 2016-yildagi “Suicide Squad”, 2020-yildagi “Birds of Prey” va 2021-yildagi “The Suicide Squad” filmlarida ijro etgan.