Holland Taylor nega «Two And A Half Men» shartnomasini uzaytirmaganini aytdi
Holland Taylor «Two And A Half Men» serialining oltinchi mavsumidan keyin shartnomasini uzaytirmaslikka qaror qilganini aytdi.
U serialda Charlie Sheen va Jon Cryer qahramonlarining hukmron onasi rolini ijro etgan. Taylorning so‘zlariga ko‘ra, olti yil tugagach, u serial bilan shartnoma asosida bog‘lanib qolishni istamagan, biroq kerak bo‘lsa, alohida qismlarda qatnashishga tayyor bo‘lgan. Aktrisa serialda unga sakkiz yil avvalgi boshqa bir serialdagi daromadiga teng haq to‘langanini bildirdi.
Taylor shuningdek, «Two And A Half Men» uchun to‘rt marta Emmy mukofotiga nomzod bo‘lganini eslatdi. Uning aytishicha, serial ijodkorlari unga ko‘proq haq to‘lay olmasligini bildirgan, biroq u shartnoma asosida ishlashni davom ettirishni xohlamagani uchun pul masalasini muhim deb hisoblamagan.