Clayface filmi DCU tarixidagi eng past kassa debyutiga yaqinlashmoqda
Clayface filmining AQShdagi premyera daromadi prognozi pasaydi.
Deadline ma’lumotiga ko‘ra, 24 oktabr, shanba kuni ertalab holatiga film ichki bozordagi ilk dam olish kunini $24–25 million bilan yakunlashi kutilmoqda. Juma kuni ertalabki prognoz esa $25–35 million edi. Shu natija Clayface’ni 2025-yilgi Superman’dan keyin boshlangan DC Universe loyihalari orasida eng past debyutga olib kelishi mumkin.
Filmning kutilayotgan natijasi iyun oyida namoyish etilgan Supergirl’ning $37. 1 millionlik debyutidan $10 milliondan ko‘proq past bo‘ladi. Clayface 2026-yil 23 oktabrda chiqarilgan va DC Universe’ning uchinchi filmi hisoblanadi.
Supergirl esa $170 million yoki undan ko‘proq byudjetga qarshi $126. 4 million ishlab, tijoriy muvaffaqiyatsizlikka uchragan edi.