Ben Affleck Zack Snyderning Justice League filmidan chetlatilishi haqida fikr bildirdi
Ben Affleckning aytishicha, Warner Bros.
va DC Studios Zack Snyderning qizi Autumn o‘z joniga qasd qilganidan uning film ustidagi ishini to‘xtatish va loyiha boshqaruviga Joss Whedonni olib kelish uchun foydalangan. Snyder postprodyuserlik jarayonida og‘ir oilaviy fojiani boshdan kechirgan. Shundan so‘ng Joss Whedon filmni yakunlash uchun jalb etilib, ikki oy davomida qayta suratga olish ishlari olib borilgan.
Affleck bu jarayon Snyderning ijodiy qarashlariga putur yetkazganini ta’kidladi. 2017-yilda chiqqan Justice League filmi 300 million dollarlik budjetga qarshi 661 million dollar yig‘di va turlicha baholarga ega bo‘ldi. Oradan to‘rt yil o‘tib, Snyder o‘zining rejissorlik versiyasini yakunlashga muvaffaq bo‘ldi.
Manbada bu versiya tomoshabinlar tomonidan avvalgi filmga nisbatan ustun deb baholangani qayd etiladi.